የቴዲ አፍሮን አልበም ያልገዛሁባቸው 5 ምክንያቶች

ባለፈው ሳምንት የቴዲ አፍሮን አልበም እንድንገዛ የሚያስገድዱንን 5 ምክንያቶች አንብቤ ነበር፤ አላሳመኑኝም እንጂ! ስለዚህ አልገዛሁም፡፡ ባልገዛም አዳምጬዋለሁ፡፡ በርግጥ ሳይወጣ በፊት ላለመግዛት መወሰኔ በራሱ፣ ከወጣ በኋላ ለምን አልገዛሁትም ብዬ የምናገረው ነገር ሰሚን ላይማርክ ይችላል ግን ምንአገባኝ፡፡ ግን ምናልባት ‹ገንዘብ ቸግሮት የቴዲን አልበም አልገዛም› ብለው የሚያሙኝን ሰዎች ዝም ለማሰኘት ምክንያቴን እደረድራለሁ፡፡ (በነገራችን ላይ ትላንት ከኢትዮፒካሊንክ እንደሰማሁት÷ ያቺ እንኳን የፕሬዚደንት ግርማ ወልደጊዮርገስን የሕይወት ታሪክ በዶኩመንተሪ እሰራለሁ ስትል የነበረችው አምለሰት ሙጪ ስንት ሳዱላዎች የተጋደሉለትን ቴዲን በእጇ አደረገችው ማለት ነው በቃ?)

5. የአማርኛ አልበም መሆኑን አላወቅኩም ነበር

አልበሙ የአማርኛ መሆኑን ያወቅኩት ከሰማሁት በኋላ ነው፡፡ ምክንያቱም በየቦታው የተለጣጠፉት ግባብዲያ ማስታወቂያዎች በሙሉ ‹Tikur Sew, Get ready, A feast for soul, Teddy Afro ምናምን ይሉና፤ ለሳቅ ለጫወታ ማን እንደ ሜታ!› ይላሉ፡፡ እኔ የመሰለኝ ታዲያ ‹ትኩር ሰው› የሚባል የእንግሊዝኛን አልበም በኢትዮጵያዊ ቢራ አጣጥሙ የተባለ ነበር፤ እንግሊዝኛ እውቀቴ ውሱን ስለሆነ ያገሬን ዘለሰኛ ብሰማ ይሻለኛል ብዬ ነበር፡፡ እሺ! ቀልዴን ነው፡፡ የእንግሊዝኛ አልመሰለኝም፤ ነገር ግን ራሱን እንደኢትዮጵያዊ አርአያነት የሚቆጥረው ቴዲ አልበም ማስታወቂያ በእንግሊዝኛ ብቻ ሲሰራ ማኔጀሩ እና ፕሮሞተሩ አገሩ ኢትዮጵያ እንደሆነ ቢጠፋቸው እንኳን እሱን አላማከሩትም ነበር? አላምንም!

4. የነጠላ ዜማዎቹ ግጥምና ዜማ originality ስላነሳቸው

የቴዲ አፍሮ ዘፈኖች በግጥምም፣ በዜማም ስሜት ይኮረኩሩ እንደነበር የታወቀ ነው፡፡ ሆኖም ባሁኑ ሲለቃቸው የነበሩት ዜማዎች አንዴ ከኤርትራ፣ አንዴ ከሩቅ ምናምን የተቀነጫጨቡ መሆናቸውን ስንሰማ ታዝበናል፡፡ አንድ ግጥሙም ከማኅልዬ ማኅልዬ ዘ ሰለሞን ቃላቶች የተገጣጠሙ መሆናቸው አደናግሮኝ ነበር፡፡ እንዲያውም አንድ ጓደኛዬ ‹‹በቃ ቴዲ የሚችለው ግጥም ነው፤ ዜማ ከየትም፣ ከየትም ትንሽ እየቀባባ…›› ያለውን ለማመን ተቃርቤያለሁ፡፡ የሚያሳዝነው ግን አልበሙን ካደመጥኩ በኋላ ‹ያ አስደናቂው፣ አወዛጋቢው፣ አዲስ ምልከታ አጫሪው የቴዲ አፍሮ የግጥም ችሎታ የት ገባ?› አሰኝቶኛል፡፡

3. አልበሙ ስለወረደብኝ!

እዚህችጋ የቴዲ አድናቂ ብቻ ለመሆን የተፈጠሩ የሚመስሉት አድናቂዎቹ÷ የቴዲ ዘፈኖች አድማጭ ያስፈልገዋል ሊሉኝ ይችላሉ፡፡ ዘፈኖቹን ሦስት፣ አራቴ ሰማሁዋቸው፡፡ ተመልሶ ችክ ባሉ ችክችካዎች ሊያተክረን መሆኑን ሳስበው አሳዘነኝ፡፡ አልበሙን አውሶ ያስቀዳኝ ጓደኛዬም ቴዲን ከጠበቅኩበት በታች ሳገኘው ‹‹ሆዴ ባባ፣ ተናነቀኝ እምባ›› እንጂ አላነደደኝም አለኝ፡፡ ምናልባት ኃይል የሚለው ዘፈን ላይ ያለው ከኦርቶዶክስ ቤተክርስትያን የተወሰደ ዜማ በሬጌ ስልት ሲሰማ የሚሰጠው ጣዕም ወጣ ያለና የሚያረካ ሊባል ይችል ይሆናል፡፡ ከዚያ በተረፈ እነ ጃ ያስተሰርያልን፣ እነ ካብ ዳኅላክን፣ እነ ሼመንደፈርን በሰማሁበት ጆሮዬ እና እሱም በዘፈነበት አፉ አሁን የዘፈናቸው ለኛም ከሚገባን በታች፣ ለእርሱም ከሚችለው በላይ ሳይሆን አይቀርም፤ ትንሽ ይደብራል፡፡

2. ውድ ነው፤ (ዋጋው!)

30 ብር ለአንድ አልበም?! በዚህ ዘመን ቴክኖሎጂ፣ በአምስት መቶ ሺኅ ቅጂዎች የሚዘጋጅ አንድ ሲዲ ከነሽፋን ማሸጊያው ጭምር የሚፈጀው ዋጋ 5 ብር አይሞላም፡፡ ታዲያ የእርሱ አልበም ምን ስለሆነ ነው 30 ብር የሚሸጠው? በየትኛውም ቴክኖሎጂ ቢሰራ ኮፒ ማድረግ እንደሚቻል ስለማውቅ፣ ኮፒ አድርጌ ተጠቅሜያለሁ፡፡ በበኩሌ አልበሙ 11 ዘፈኖች ስላሉት፣ በ11 ብር ቢሸጥ ኖሮ የመጀመሪያውን (original) ቅጂ እገዛ ነበር፡፡ ይህችኛዋ አመፃ በቴዲ ላይ ብቻ ሳይሆን በሁሉም አርቲስቶች ላይ ነው – አዎ! ኦሪጅናል የሚባለውን አልገዛም፡፡ ምክንያቱም ተመሳሳይ ጥራት ያለውን ቅጂ፣ በነፃ ወይም ግፋ ቢል በ5 ብር አገኛለሁ፡፡ አሥር ብር የምትሸጡ ከሆነ ‹‹ለጥበቡ እድገት›› ስል እተባበራችኋለሁ፡፡

1. ይህንን መንግስት እና ይህንን ኑሮ አላማረረም (I don’t want art for the sake of art)

‹እንዴ ቴዲ እኮ ዘፋኝ ነው?› ካላችሁ፣ እንዴ እስክንድርም እኮ ጋዜጠኛ ነው እላችኋለሁ፤ ‹እንዴ ቴዲን እኮ እያሰሩት ነው?› ካላችሁ፣ እንዴ እስክንድርንም እኮ ከሰባቴ በላይ አስረውታል እላችኋለሁ፡፡ ‹የፈለገውን አቋም መያዝ፣ ማራመድ ወይም አለማራመድ አይችልም እንዴ?› ካላችሁ ግን እስማማለሁ ግን ባያስጀምረን ነበር፡፡ የምርጫ 97 ሰሞን ጥዑም ፖለቲካ ዘፍኖ ከዘፋኝነት ወደነፃ አውጪነት ካሸጋገርነው በኋላ ማፈግፈጉ ያኔ የሕዝቡን ትኩሳት ተንተርሶ ሊጠቀምብን ነበር ማለት ነው? ያኔ ተቃዋሚዎች ተስፋ አላቸው ከነርሱ ልወዳጅ ብሎ ነበር ማለት ነው? ዛሬ ድንገት ተነስቶ ‹የለም! ኢትዮጵያ ውስጥ እየተካሄደ ያለውን ነገር አላየሁም፣ አልሰማሁም› ቢል እኔም አልሰማውም፡፡

Advertisements

8 comments

  1. eweket

    Sorry that i don’t have amharic fonts in my Mac so that i could comment in Amharic. Since you read my English article (5 Reasons Why You Need to Buy Teddy Afro’s New Album) – Thank you – i think it shouldn’t be a problem.

    I agree with point 1 and 2. The album is more expensive than i thought it would, and the lyrics were not very critical. If this is Teddy’s second album – he gets my 10/10 ratings.. unfortunately, it is his third and compare to the second one this one seems to be less interesting.

    One thing i noticed when i went through your blog you were blogging about Atse Minilek. How come you never mention that especially Teddy’s reference to a black person was the king?

    • befeqe

      Thanks ewket,

      Yes! I’m a big fan of Menelik II as you read; but may be I have keep quite about ‘Tikur Sew’ until its clip of 450,000 birr is released.

  2. Dawit Betesilassie

    I went through the site and for me its way of expressing emotionality, and egotism. After all there are many artists but TEDI is exceptional sorry to say this if don’t agree with me you are lying

  3. AB

    አስተያየት መስጠት የሚቻል ቢሆንም የሰውን ስብህና መንካት ግን ተገቢ ነው ብዬ አላምንም፡፡ የቴዲ አልበም ለኔ በጣም ተመችቶኛል ፡፡ በአሪፍ ቴፕ ካልተሰማ ማንኛውም አልበም ደስ ላይል ይችል ይሆናል ለሱ ደሞ ቴፑ እንጂ ተጠያቂ ዘፋኙ ሊሆን አይችልም፡፡ ባይሆን እንደኔ ጎረቤትም ቢሆን ሄዶ በአሪፍ ቴፕ መስማት ጥሩ አማራጭ ይመስልኛል፡፤ በተጨማሪ ደግሞ ስለ እጮኛው እያነሱ ማብጠልጠል ደግሞ ጋጠወጥነት ነው(b/c Its Personal) የማናችንም ጉዳይ አይደለም የነሱ እንጂ፡፡አስተያየት መስጠት የሚቻል ቢሆንም የሰውን ስብህና መንካት ግን ተገቢ ነው ብዬ አላምንም፡፡ የቴዲ አልበም ለኔ በጣም ተመችቶኛል ፡፡ በአሪፍ ቴፕ ካልተሰማ ማንኛውም አልበም ደስ ላይል ይችል ይሆናል ለሱ ደሞ ቴፑ እንጂ ተጠያቂ ዘፋኙ ሊሆን አይችልም፡፡ ባይሆን እንደኔ ጎረቤትም ቢሆን ሄዶ በአሪፍ ቴፕ መስማት ጥሩ አማራጭ ይመስልኛል፡፤ በተጨማሪ ደግሞ ስለ እጮኛው እያነሱ ማብጠልጠል ደግሞ ጋጠወጥነት ነው(b/c Its Personal) የማናችንም ጉዳይ አይደለም የነሱ እንጂ፡፡

  4. Liya Girma

    Give the guy a break!! He has done something……. In my opinion we should encourage new artist you are brave enough to try out new things in our SOCIETY. Am sure you will understand me perfectly if you have tried a new thing. ‘Bombu fekirish…….’ yemilewen zefen mesema joroachen.

  5. semenawork

    Excellent article! Refreshingly original unlike Tedy’s new album. I agree with everything you said and enjoyed the way you said it too. Which was why it was a surprise when you (in point # 5) suggested that Tedi Afro should be a freedom fighter through his songs. You partly seemed to argue that he should continue to sing as a freedom fighter because he’s already started it. But you also seem to say that all art should commit. If you are an artist, (which by the excellence of your art, I think you are), then how can you promote committed/engaged art? Art should always always be for art’s sake! Beterefe, I loved your writing. Can’t wait to read your other posts!

  6. z

    i love the comment and it is quite true, i am one of the peoples who admire Tedy Afro. but this album is …….. anyone can do it if they have the lyrics. and i agree 100% with 5 point. i didn’t bought the CD but i have it on my laptop.
    i think, days come and go, Tedy too.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s